Labis na natuwa ang Criminal Investigation and Detention Group (CIDG-12)sa paglipat sa apat na mga Ampatuansa kostudiya ng Camp Bicutan, Taguig.
Limang buwan ding nakakulong ang mga Ampatuan dahil sa kasong illegal possession of firearms at rebelyon sa nangyaring Maguindanao Massacre noong Nobyembre 23, 2009 na ikinamatay ng limamput pitong inosenteng sibilyan kasama na ang tatlumput dalawang miyembro ng print at broadcast media.
Ayon sa pahayag ni Police Senior Superintendent Pedro Austria, matagal nilang hinintay ang desisyon ng korte na mailipat na ang mga suspetsado sapagkat nakabigay ito sa kanila ng di magandang impresyon galing sa mga tao.
Nauna ng nagpalabas ng resolusyon ang konseho ng Heneral Santos na padaliin ang paglilipat sa mga Ampatuan sa kadahilanang naaapektuhan na ang turismo ng lungsod.
Dagdag pa ni Austria, panahon na para alisin ang pagdududa sa pagbigay umano ng espesyal na pagtrato sa mga Ampatuan.
Matapos mailipat sa Maynila ang mga suspetsado, nagpahayg si Austria na bukas na sa lahat ng media ang kanyang ahensiya.
Haya Jane Estigoy