April 15,2010
NAHILAKIP sila si Muhammad Ali ug kasamtangang pound-for-pound champion Manny Pacquiao sa mga nahisgutan nga labing maayong mga boksidor sa kalibutan sa tanang panahon.
Nahisgutan usab ang mga pangalan nila ni Joe Louis ug Rocky Marciano, apan alang sa mga eksperto nga gitapok sa The Ledger website, si Sugar Ray Robinson gyud ang labing maayong boksidor.
Ang mga gipangkuhaan og panan-aw sa The Ledger naglakip nila ni Showtime boxing analyst Al Bernstein, boxing historian Bert Sugar, boxing publicist Bill Caplan ug Winter Haven trainer Tony Morgan.
Matod pa ni Bernstein-grabe ang mga mamaayong nahimo ni Robinson e-kumpara sa ubang mga boksingero. “Paspas, gamhanan, utukan ug isog”, ingon ani kung hisgutan niya si Robinson.
Nidugang si Bernstein nga gumikan sa grabe ka maayo nga abilidad ni Robinson, kaya niyang patumbahon ang kontra bisa’g mag-atras pa siya.
Grabe gyud kasikat si Robinson sa iyang panahon hilabi na sa iyang yutang natawhan sa France. Sa US, si Robinson napasidunggan og postal stamp niadtong 1996.
Natawo niadtong Mayo 3, 1921 sa Ailey Ga., si Robinson ug ang pamilya niini mibalhin sa New York dihang teenager pa siya.
Sa edad nga 14, nagsugod siya sa boksing isip amateur.
-April Joy ( A. J.) Dayupay
Subscribe to:
Post Comments (Atom)
No comments:
Post a Comment